صدر مملکت آصف علی زرداری کے دو عہدوں کے خلاف کیس کی سماعت

 صدر مملکت آصف علی زرداری کے دو عہدوں کے خلاف کیس کی سماعت کرنے والے بینچ کے ایک رکن جسٹس منصور علی شاہ رخصت پر چلے گئے ہیں جس کے باعث اب یہ بینچ چار ججز پر مشتمل ہے۔ 

---

واضح رہے کہ چیف جسٹس عمر عطا بندیال کی سربراہی میں 5 رکنی فل بینچ کو عدالتی حکم کے باوجود سیاسی عہدہ نہ چھوڑنے پر صدر کے خلاف توہین عدالت کی درخواستوں کی سماعت کرنا تھی۔ عدالت نے صدر مملکت کو 5 ستمبر تک سیاسی عہدہ چھوڑنے کی مہلت دے رکھی تھی۔ آج ہونے والی سماعت میں وفاقی حکومت نے عدالت میں اپنا موقف پیش کرنے اور دو عہدوں کے دفاع کا فیصلہ کیا تھا۔ تاہم تازہ ترین اطلاع کے مطابق جسٹس منصور علی شاہ کے رخصت پر جانے کے باعث اب یہ بینچ چار ججز پر مشتمل ہے اور کیس کی سماعت آج ہی ہوگی۔بینچ کے دیگر اراکین میں چیف جسٹس ہائیکورٹ عمرعطابندیال ، جسٹس نجم الحسن ، جسٹس اعجازالاحسن اورجسٹس ناصرسعید شیخ شامل ہیں۔